"Қазақстан дауысы-2022" балалар жобасы
Тақырыбы: «Қазақстан дауысы. Балалар» ән - байқауы
Мақсаты:Мектеп оқушылары арасынан өнерлі деген оқушылардың өнерін тамашалап көпшілікке таныту, өнерге сүйіспеншілігін арттыру. Сахна мәдениетіне тәрбиелеу. Мектебіміздегі әнші,өнерлі оқушыларды анықтау. Болашақ өнер жұлдыздарын дайындап «жүзден жүйрік,мыңнан тұлпар»шығарып, бәйгеден озып шыққан оқушыларымызды болашақта қалалық, облыстық,республикалық өнер сахналарына дайындау.
ӨТІЛУ БАРЫСЫ:
Фанфары ойналады («Қазақстан дауысы» музыкасы ойналып, жүргізушілер ортаға шығады)
Дінмұхамет : Армысыздар, құрметті, көрермендер! Бүгінгі әр баланың ерекше өнерін анықтайтын «Қазақстан дауысы. Балалар» атты ән байқауымыздың 3- кезеңіне қош келдіңіздер!!!
Құлпырған еліміздің ұл - қызымыз,
Ертеңгі жарқыраған жұлдызымыз.
"Өнерлі өрге озар", - дейді халқым
Бұл кеште бар өнерді ұсынамыз.
Жауқазын:
Қазақтың қайтпас қайсар қыранымыз,
Болашаққа жол бастар ұланымыз,
Алдымызда - арман көп, таудай талап,
Сіздерге арналады жыр - әніміз.
Дінмұхамет: Өздерінің таланттарымен, шығармашылықтарымен, ең бастысы керемет дауыстарымен тәнтті еткен, киелі сахнада өнер көрсететін қатысушыларымызды сахна төріне шақырамыз!
Дінмұхамет:
3- кезеңде жеңімпаздарды 50 пайыз көрермендер SMS дауыс беру арқылы, 50 пайыз тәлімгерлер баға беру арқылы анықталады. Ендеше сіздерге сәттілік тілейміз!
Көңілім тағы жырлашы,
Сұңқардай көкке самғашы.
Әсем әнім шырқалса,
Туған жердің арқасы
Жауқазын: Ал енді бүгінгі сайыста өз тобын дайындаған тәлімгер ұстаздарды атап өтсек:
1.Музыка өнерінің майталманы-Жұмақанова Гүлбақыт Әбдікерімқызы
2. Өнерімен өрге жүзген талантты ұстаз - Мырзахмет Бегайым Ерболқызы
3. Талантымен танылған ұстаз- Бейсеғұлов Еркебұлан Еркінұлы
Дінмұхамет: Біздің қатысушыларымыз қашан басталады деп асыға күтіп тұр. Олай болса біз көп созбай ән додамызды бастайық.
Садвакас Іңкәрдің орындауындағы «Қайда?» әнін қабыл алыңыздар! Дінмұхамет: Көп рахмет! Ал енді әділ-қазы алқаларына сөз кезегін береміз. Еркебұлан Еркінұлы сөз кезегі өзіңізде.
Жауқазын:Келесі өнерлі қатысушы Мұрат Жасминнің орындауындағы «Жұмақ мекен» әнін қабыл алыңыздар!
Жауқазын: Бәрекелді! Әнді тамаша орындадың! Сөз кезегін Гүлбақыт Әбдікерімқызына береміз.
Дінмұхамет: Талантты қатысушы үміткер Тәшен Інжудің « » әнін тыңдайық! Қошеметтеп отырайық!
Дінмұхамет: Жарайсың! Олай болса әділ қазы алқаларының пікірін тыңдайық. Бегайым Ерболқызы сөз өзіңізде.
Жауқазын : Келесі өнерлі қатысушы « » әнін тыңдайық!
Жауқазын: Өте жақсы орындадың! Жарайсың! Ендеше сөз кезегін әділ қазы алқаларына берейік!
Дінмұхамет: Келесі өнерлі үміткерлеріміз Біржан Айзеренің « Қара сазым » әнін қабыл алыңыздар! Қошеметтеп қояйық!
Дінмұхамет: Жарайсың! Өнерің – өрге жүзсін! Үміткердің өнеріне баға беретін әділ қазы алқаларының пікірін тыңдайық!
Жауқазын: «Dance monkey» әнімен талантты аруымыз Біржан Айзеренің әнін қабыл алыңыздар!
Жауқазын: Жарайсың Айзере! Ал ендеше сөз кезегін әділ қазы алқаларына берейік!
Дінмұхамет: Келесі өнерлі қатысушымыз Сейтбек Бекжанның орындауындағы « » әнін қабыл алыңыздар!
Дінмұхамет: Тамаша Бекжан, әнді керемет орындадың! Сөз кезегін әділ қазы алқаларына берейік!
Жауқазын: Келесі дарынды қатысушы Кеңесбай Нұрсұлтанның « » әнін қабыл алыңыздар!
Жауқазын: Жарайсың Нұрсұлтан! Ал ендеше әділ қазы алқыларының пікірін тыңдайық!
Дінмұхамет:
Қаншама адам танылған өнерменен,
Өнердің арқасында, шалқып жүрген.
Денеңді шымырлатып, толқытатын,
Мәңгілік басымды ием, өнерге мен
Айерке:
Демеңіздер біз өнерді аяп қалды,
Уақытта біраз жерге таяп қалды.
Келесі кездескенше күн жақсы деп
Бүгінгі байқауды біз аяқталық – деп, үшінші кезеңге өткен қатысушыларымызды шын жүректен құттықтаймыз!
Дінмұхамет :Сіздерге сәттілік әрқашанда серік болсын дегіміз келеді.
Екеуі: Көңіл бөліп тамашалағандарыңызға көп рахмет! Қайта көріскенше, Сау саламат болыңыздар.
https://www.instagram.com/reel/Cl6VH56OHYh/?igshid=OGQ2MjdiOTE=