"Қазақстан дауысы-2022" балалар жобасы

Тақырыбы: «Қазақстан дауысы. Балалар» ән-байқауы

ӨТІЛУ БАРЫСЫ:

Фанфары ойналады («Қазақстан дауысы» музыкасы ойналып, жүргізушілер ортаға шығады)

Дінмұхамет:Армысыздар, құрметті, көрермендер! Бүгінгі әр баланың ерекше өнерін анықтайтын «Қазақстан дауысы. Балалар» атты ән байқауымыздың ІІ кезеңіне қош келдіңіздер!!!

Құлпырған еліміздің ұл - қызымыз,
 Ертеңгі жарқыраған жұлдызымыз.
 "Өнерлі өрге озар", - дейді халқым
 Бұл кеште бар өнерді ұсынамыз.
 Айерке: 

Қазақтың қайтпас қайсар қыранымыз,
 Болашаққа жол бастар ұланымыз,
 Алдымызда - арман көп, таудай талап,
 Сіздерге арналады жыр - әніміз.

Айерке: Өздерінің таланттарымен, шығармашылықтарымен, ең бастысы керемет дауыстарымен тәнтті еткен, киелі сахнада өнер көрсететін қатысушыларымызға  сәттілік серік болсын!

Дінмұхамет: 

Көңілім тағы жырлашы,

Сұңқардай көкке самғашы.

Әсем әнім шырқалса,

Туған жердің арқасы 

Айерке:

Халқымда саңлақ сана бар
 Солардан шыққан даналар
 Ән салып, би билейтін
 Өнерлі біздің балалар! – деп ақындарымыз жырлағандай өнердің қандай түрі болмасын адамдарды шабыттандырып рухани таза әлемге жетелейтіні бәрімізге аян.

Біздің мектебімізде де өнерлі балалар аз емес.

Дінмұхамет : Ал енді бүгінгі сайыста өз тобын дайындаған тәлімгер ұстаздарды атап өтсек:

1.Музыка өнерінің майталманы-Жұмақанова Гүлбақыт Әбдікерімқызы

2. Өнерімен өрге жүзген талантты ұстаз -  Мырзахмет Бегайым Ерболқызы

3. Талантымен танылған   ұстаз- Бейсеғұлов Еркебұлан Еркінұлы

Айерке: Біздің қатысушыларымыз қашан басталады деп асыға күтіп тұр. Олай болса біз көп созбай ән додамызды бастайық. 

Дінмұхамет: Ендеше Жұмақанова Гүлбақыт Әбдікерімқызының  алғашқы жұбын ду қол шапалақпен қарсы алайық!

Алғашқы қатысушы жұптарымыз Бейсенғали Амина мен Біржан Айзеренің орындауындағы «Ана - әке» әнін қабыл алыңыздар! (әндерін айтады)

Дінмұхамет: Қыздар көп рахмет! Ал енді әділ-қазы алқаларына сөз кезегін береміз. Еркебұлан Еркінұлы сөз кезегі өзіңізде.

Айерке:Келесі өнерлі жұбымыз Әділхан Каусар мен Мұхтархан Аминаның орындауындағы «Ұстазым» әнін қабыл алыңыздар!

Айерке: Бәрекелді қыздар! Әнді тамаша орындадыңыздар! Сөз кезегін Гүлбақыт Әбдікерімқызына береміз.

Дінмұхамет: Ендеше 3-өнерлі талантты жұбымыз Садвакас Іңкар мен Мұқатай Айшаның «Дударай» әнін тыңдайық! Қошеметтеп отырайық!

Дінмұхамет: Жарайсыздар қыздар! Олай болса әділ қазы алқаларының пікірін тыңдайық. Бегайым Ерболқызы сөз өзіңізде.

Айерке: Келесі өнерлі қыздарымыз Мәулет Жанель мен Амангелдіқызы Еркенұрдың «Бұлбұлым» әнін тыңдайық! 

Айерке:  Өте жақсы орындадыңыздар қыздар! Ендеше сөз кезегін әділ қазы алқаларына берейік!

Дінмұхамет:  Келесі өнерлі үміткерлеріміз Мұрат Жасмин мен Аукен Мерейдің орындауындағы «Ана туралы жыр» әнін қабыл алыңыздар! Қошеметтеп қояйық!

Дінмұхамет: Жарайсыздар қыздар! Аруларымыздың өнеріне баға беретін әділ қазы алқаларының пікірін тыңдайық!

Айерке:  Талантты жігіттер Капенов Алихан мен Кеңесбай Нұрсұлтанның орындауындағы «Мен қазақпын» әнін қабыл алыңыздар!

Айерке: Жарайсыздар жігіттер. Ал ендеше сөз кезегін әділ қазы алқаларына берейік!

Дінмұхамет: Келесі өнерлі жұптарымыз Тұрлығазы Айбар мен Ташен Інжудің орындауындағы «Аға мен қарындас» әнін қабыл алыңыздар!

Дінмұхамет: Жарайсыздар! Сөз кезегін әділ қазы алқаларына берейік!

Айерке: Талантты жұп Қайратқызы Айару мен Әділхан Айзеренің орындауындағы «Отан» әнін қабыл алыңыздар! 

Айерке: Ал ендеше әділ қазы алқыларының пікірін тыңдайық!

Дінмұхамет:

Қаншама адам танылған өнерменен,
 Өнердің арқасында, шалқып жүрген.
 Денеңді шымырлатып, толқытатын,
 Мәңгілік басымды ием, өнерге мен 

Айерке:

Демеңіздер біз өнерді аяп қалды,

Уақытта біраз жерге таяп қалды.

Келесі кездескенше күн жақсы деп

Бүгінгі байқауды біз аяқталық – деп, үшінші кезеңге  өткен қатысушыларымызды шын жүректен құттықтаймыз!

Дінмұхамет :Сіздерге сәттілік әрқашанда серік болсын дегіміз келеді.

Екеуі: Көңіл бөліп тамашалағандарыңызға көп рахмет! Қайта көріскенше, Сау саламат та болыңыздар
https://www.instagram.com/reel/CmMYDVxuIpA/?igshid=OGQ2MjdiOTE=